Sushi sándwich. Receita fácil para facer cos nenos
Unha deliciosa merenda para nenos baseada na cociña
xaponesa.
O sushi é un dos pratos máis populares da gastronomía xaponesa,
e á súa vez, un dos máis recoñecidos internacionalmente. Facer sushi na casa
pode resultar realmente divertido! Así que che presentamos unha idea sinxela
para que a poidas levar a cabo coa axuda dos teus fillos: o sushi sándwich!
Podes utilizalo, por exemplo, para unha merenda orixinal para
os nenos ou a modo de canapés en calquera momento do día. O mellor é que se
trata dunha receita rica en proteínas e que encherá aos nenos de enerxía.
Ingredientes:
Pan de molde para enrolar
Tres cucharadas de maionesa
Unha cucharada de mostaza
Tres lonchas de xamón de York
Medio pepino
Fai un sushi sándwich en 5 sinxelos pasos:
- Comezamos mesturando a maionesa coa mostaza.
Reservamos. Estiramos o pan coa axuda dun rodillo, deixándoo máis fino (así resulta máis fácil enrolalo) e untamos a mestura anterior.
- A continuación, cubrimos co xamón de York.
- Cortamos uns palitos de pepino e colocámolos
xusto no extremo do pan polo que imos empezar a enrolar.
- Enrolamos con coidado, pero asegurándonos de
que quede ben apertado.
- Cortamos o noso rolo en porcións duns 2 cm de grosor aproximadamente e servimos.
Podedes variar os ingredientes ao voso gusto, por exemplo untar o pan con queixo, ou substituír o xamón por outro embutido do voso gusto ou mesmo salmón afumado. Usade a vosa imaxinación e crear o voso sándwich propio.
No hay comentarios:
Publicar un comentario
Nota: solo los miembros de este blog pueden publicar comentarios.