RETO !

RETO 8: 8 DE ABRIL DE 2020

PROBA MENTE EN FORMA: "Adiviña, adiviñanza"

Moi boas raparigos e raparigas! Esperamos que todos e todas esteades de marabilla porque, para o reto de hoxe, necesitamos que aproveitedes ao máximo a vosa máquina de pensar. E diredes... máquina de pensar? Si, efectivamente, referímonos ao voso espléndido CEREBRO!! Adiviñastes!! 

Como vemos que se vos da moi ben isto de adiviñar... aquí vos deixamos unha serie de adiviñanzas no vídeo e na táboa que vos poñemos a continuación.

Unha vez que as teñades resoltas, vos mesmos podedes enviarnos vídeos coas vosas propias adiviñanzas que... nos tamén queremos xogar!! Estamos desexando que nos poñades a proba!!
                                                                     

Queres te? Pois toma te! Sabes ti que froito é?	Pinguiñas de azucre penduradas nunha rede se queres hainas negras se queres hainas verdes.
Brinca e rebrinca salta e non anda leva moitos golpes  e nunca se manca.	Teño números  e non ser ler ti velos do dereito e eu do revés.
Nube con catro patas brinca pola eira chama por ela  verás que bailadeira.	Sei falar contigo  apurado e devagar sei case de todo  e non sei andar.
Tuso de seguida  se estou a viaxar déixame quieto para parar de afumar.	Sempre mollado  sempre calado teño cola e non teño rabo.
Na miña cabeza  só hai dentes non verás ollos  por máis que o intentes.	Ouro parece, prata non é, sabes dicirme que froita é?

PROBA CORPO EN FORMA: "Os Xogos Olímpicos".

Este ano ían ser os Xogos Olímpicos de Tokyo 2020, xa que se cancelaron, faremos a nosa propia versión e realizaremos os Xogos Olímpicos na casa.

Primeiro imos realizar uns exercicios para prepararnos:

1º Exercicio - Unha carreira de pequeno percorrido, camiñando ou correndo, da túa habitación á cociña. Tés que dar 5 voltas.

2º Exercicio - Coller unha pelota ou envolver uns calcetíns. Atópaste de pé e lanzas a pelota cara arriba. E antes de que toque o chan, séntaste e colles a pelota.

3º Exercicios - Agora toca ao revés. Empezas sentado e lanzas a pelota cara arriba. Póste de pé e antes de que toque o chan colles a pelota.

4º Exercicio - Coller ao teu pai/nai ou irmá/irmán e lanzar a pelota 10 veces con cada man entre vós.

Agora que xa quentamos, estamos listos para os Xogos Olímpicos. Hai que realizar tres probas dos Xogos Olímpicos na casa. Como non temos moitos elementos na nosa casa, queda baixo a vosa imaxinación para representar as seguintes tres probas:

- Unha proba de Atletismo. Tanto pode ser una carreira ou saltos ou lanzamentos.

- Unha proba de Natación. Tanto pode ser unha carreira ou sincronizada ou saltos á piscina.

- Unha proba de elección libre, escollédela vós. Déixovos aquí unha ligazón para que poidades ver todas as modalidades que competían nos Xogos Olímpicos.

https://tokyo2020.org/es/deportes/

Puntuacións: 1 foto = 1 antivirus

                      1 vídeo = 10 antivirus

Recordamos que hai puntos extra se aparece algún familiar ou compañeir@ con vós nos vídeos, aínda que non estén anotados nas actividades extraescolares, isto é para desfrutar todas e todos, para seguir en contacto e facer todo máis ameno!