RETO 5: 1 de abril de 2020
PROBA MENTE EN FORMA: "Muíño de vento"
Hoxe propóñovos facer un colorido muíño de vento, que vós podedes utilizar para adornar calquera recuncho da vosa casa, xanelas e balcóns.
MATERIAIS:
Un folio ou unha folla de papel algo consistente, unha palla de plástico, un alfinete ou unha chincheta, dous anacos de cortiza ou dous anacos de goma de borrar.
MANS A OBRA:
Podedes decorar o papel o usar papel de cores ou cartolinas.
Aquí tedes o que fixen eu, adorna a miña xanela.
PROBA CORPO EN FORMA: "O chan é lava"
Para esta parte do reto, imaxinaremos que o chan da nosa casa é lava e non podemos deixar de bailar para evitar queimar os nosos marabillosos pés. Para isto, intentaremos aprender o famoso baile de pés que tan viral se fixo polo mundo das redes sociais.
Para logralo, empeza vendo o vídeo titorial que vos deixamos a continuación que explica todo paso a paso, buscade ao voso acompañante e moito ánimo, a divertirse!!
"Para gozar de algo non tes por que facelo perfecto"
Puntuacións: 1 foto = 1 antivirus
1 vídeo = 10 antivirus
Recordamos que hai puntos extra se aparece algún familiar ou compañeir@ con vós nos vídeos, aínda que non estean anotados nas actividades extraescolares, isto é para pasalo ben todas e todos, para seguir en contacto e facer todo máis ameno!
